「網購FUN享」: 帝苑酒店Staycation優惠好唔好? 設施+早餐介紹

帝苑酒店Staycation Package優惠比較特別, 餐飲包午餐、宵夜及早餐, 感覺更新穎! Package由位於尖東的5星級帝苑酒店 The Royal Garden推出。酒店天台設有打卡空中露天泳池,可清楚看見維港景色,設計加上地中海風格,像到了歐洲小島般放鬆！想知帝苑酒店仲有咩特別, 繼續睇落去啦!

▶【香港酒店優惠推介】: 6個$1000以下的酒店Staycation 2人住宿套餐
▶ Viutv《今晚瞓酒店》懶人包: 一文精選全輯1-10集內容

帝苑酒店 The Royal Garden Staycation優惠

帝苑酒店有咩特別？有名的餅店出品: 蛋糕 / 蝴蝶酥

帝苑酒店的帝苑餅店,如蝴蝶酥非常有名,自助餐也會提供。如果是特地到帝苑酒店staycation,不妨也預訂帝苑酒店蛋糕！

帝苑酒店有咩特別？天台的地中海泳池

帝苑酒店staycation必到17樓的Skypool泳池打卡！位於天台的泳池在2019 年年底完成翻新,沒有被高樓大廈包圍的侷促感覺,於25米長的泳池盡情暢泳,同時可清楚看見維港景色,加上地中海的拱門、圓頂設計,令人感覺像到了歐洲小島般放鬆！

帝苑酒店早餐有咩食？

如影片所見, 自助早餐餐廳在雅苑座The Greenery酒店三樓, 餐廳環境是酒店中庭,擁有全港獨有的110呎高室內空中花園及噴泉內,好有空間感,彷彿置身於大宅後花園。早餐有齊晒基本Cold cut、生果同乳酪、粥、麵包、火腿蛋、點心有燒賣同小籠包、腸仔煙肉、現在即整有煎蛋奄列。自助水吧,可以整檸茶,飲品有奶類、果汁等。

【HK$ 1417】 = 豪華房 + 宵夜 + 早餐 + 福布斯4星餐廳午餐

這次酒店推出的Staycation優惠非常超值! 逢星期一至日, 大家可以HK$1417入住雙人豪華房, 並在福布斯4星餐廳享用2人午餐, 另有宵夜及早餐!

入住當日的2人午餐可選擇於Sabatini 高級意大利餐廳 (福布斯4星) 、東來順 (福布斯4星)或 Shikigiku (福布斯推薦) 享用。當天晚上於宵夜時段享用小食組合 (J’s 酒吧或雅苑座), 例如有黑松露薯條、mini burger或紅燒飽魚配出前一丁。