「網購FUN享」: 【平價自助午餐優惠】九龍海逸君綽酒店自助餐評價 The Promenade

九龍君綽凱逸酒店The Promenade是抵食酒店Buffet之選, 午餐3XX元價錢合理而食物質素不錯, Lunch Buffet多食物種類, 有即開生蠔、長腳蟹、刺身、Movenpick 及Haagen Dazs雪糕、芒果拿破崙等等。酒店餐廳環境舒服, 樓底十分高, 窗口位有無敵海景!

▶ 【Semi Buffet Lunch】其他抵食半自助午餐優惠推介

▶【點心放題】酒樓、酒店點心放題優惠推介(午市/ 下午茶)

我在Klook預訂紅磡九龍君綽凱逸酒店中午自助餐優惠,只需3百多元。酒店位置方便, 黃埔地鐵站D2出口行3分鐘到達。酒店餐廳The Promenade環境很好, 空間非常充足,沒有擠迫感覺,坐得舒服。

▶ 九龍海逸君綽酒店自助餐訂位

窗邊風景是賞心悅目的維港。坐下休息一會後當然是出去看看食物種類!

海鮮

美國生蠔、長腳蟹、海蝦、青口及小龍蝦

生蠔(每次限取2-3隻) 幾新鮮,有海水味同爽脆,但細隻、蠔肉薄身
長腳蟹幾鮮甜,肉質唔霉,OK好味
海蝦幾大隻,食落去爽脆彈牙, 幾鮮甜
青口質素正常,但略嫌不夠鮮甜
麵包蟹,蟹肉冇味但蟹蓋好味
小龍蝦唔好食,只得鹹味沒有鮮味

▶ 立即訂位

刺身

刺身有7款選擇

赤貝:好爽好鮮甜,好味
三文魚:幾新鮮幾肥美,好味
蝦:好爽,好鮮甜,好味
希靈魚:普通, 無乜特別
甜蛋:普通, 唔係太好食
吞拿魚: 質素就麻麻地, 唔好食
鯛魚:味好淡,有點腥, 唔好味

▶ 立即訂位

壽司

壽司有如蝦壽司、三文魚壽司及加州卷。壽司質素麻麻,不建議試！

湯

今日餐湯是太淡無味的青紅蘿蔔豬骨湯及值得一讚的南瓜湯,南瓜味濃郁。

Cold Cut冷盤

Cold Cut冷盤有Parma Ham,芝士、雞肉腸及意大利肉腸

火腿味道可以
雞肉腸、意大利肉腸唔係太好食

沙律

自選沙律菜: 蕃茄、紅苦白菜、生菜、青瓜、火箭菜等
醬汁: 凱撒沙律醬、千島醬、醋、橄欖油
配料: 煙肉碎、脆麵包粒等

自選沙律菜表現合格! 而預先準備好的沙律大部分表現平平,味道過於單調, 但有2款味道不錯, 清新開胃的雜果沙律及酸菜絲沙律。其餘的沙律(扒磨菇沙律、蛋沙律、青瓜沙律及粟米沙律), 不推薦

熱盤

好味

加拿大燒肉眼牛肉,可以揀比較生或熟其中一邊,可以配黑椒汁、肉汁及芥辣, 燒牛扒質素唔錯,牛肉味好濃,較生一邊都好嫩滑
紅酒燴牛尾幾淋,紅酒汁都整得幾好味
北菇炆鴨腳幾好味,個汁整得幾濃,鴨腳幾淋
海蟹粥,粥底幾棉,蟹肉鮮甜
豬肉串燒: 意外地好食,豬肉味濃, 煙肉包豬肉燒得幾香
蔬菜天婦羅(茄子、紫菜及蕃薯): 炸粉厚度適中
焗時蔬: 鹹鹹地幾香

普通、正常水平

干扁四季豆炒
炒蛋白扒時蔬

不建議

甜酸汁炸魚、香草蒸龍脷柳: 食材處理示當, 魚肉不嫩滑
三色豆炒飯: 好硬好乾
香煎豬頸肉: 醬汁味道古怪,豬肉偏鞋

點心

現場即製小籠包、燒賣及蝦餃。只要了小籠包, 皮薄有質素! 其他點心沒有試。

印度咖哩

分別係咖哩雞、牛、羊, 同時有印度廚師即場製作的印度薄餅。

咖哩牛味道都唔錯,唔係太辣, 牛肉味濃,咖哩牛好味
咖哩雞啲咖哩味都唔係太辣既,雞肉都OK
咖哩牛比咖哩雞肉好味

印度薄餅配咖哩汁非常惹味!

即煮麵檔

有麵檔即煮馬來喇沙,喇沙湯底都OK,蝦幾爽脆,有多款肉丸選擇OK。

甜品及水果

有各式蛋糕、麵包布甸、芝士餅、榴槤慕絲、芒果拿破崙等。

芒果拿破崙: 酥皮都幾脆,而芒果味都幾濃,幾好食
紐約芝士蛋糕: 芝士味Ok,唔太酸
榴槤慕絲: 榴槤味不夠太濃,一般般
士多啤利慕絲: 少少酸
班蘭芒果戚風蛋糕: 芒果唔酸, 班蘭及芒果味道不是太夾
意大利奶凍: 沒有濃郁奶香及不滑溜, 質感似啫喱, 唔好食
麵包布甸一般,布甸太硬
Tiramisu、黑森林、芒果椰汁糕、藍梅杏仁撻、香濃朱古力慕絲、芒果布甸: 一掃而空後沒有refill, 無法評價
Movenpick雪糕有多款味道: Vanilla, Chocolate, Strawberry, Caramel, Raspberry, Blueberry Cheesecake, Rum Raisin, Tiramisu

▶ 立即訂位

九龍海逸君綽酒店 The Promenade 自助餐的甜品: Haagen Dazs雪條

Haagen Dazs雪條: 揀了Chocolate 及 Mango
可以自行製作雪糕Pancake

水果有火龍果、蜜瓜、哈蜜瓜、西瓜、菠蘿,都很新鮮

飲品

有即磨咖啡機(即磨咖啡質素一般,唔夠濃)、熱紅茶、凍紅茶
檸檬茶、西柚汁但太澀, 唔夠甜, 唔太好飲
有罐裝汽水如可樂、雪碧

九龍海逸君綽酒店自助餐總結

九龍海逸君綽酒店自助午餐質素中規中矩, 不過不失。以平價自助午餐而言, 不算太好或太差。

優點
- 食物種類多而有一定質素, 如長腳蟹、生蠔、刺身
- 即場製作食物有水準, 如小籠包、印度薄餅、天婦羅
- 職員勤勞, 收碟速度快
缺點

食物refill速度慢,部分食物refill 1-2次就無refill。例如芒果拿破崙及榴槤慕絲,因為一開始太多人排生蠔、刺身,先試食兩件甜品, 否則也沒有機會品嚐
自助餐安排太多食客,但食物refill速度慢,令客人不可悠閒舒閒坐下進食,不可隨心出去取食,需要多次排隊確安能淺嚐不同食物,否則會有多款食物沒法品嚐